الخميس، أغسطس 28، 2008

رمضان كريم عليكو

الصورة دى عملناها عشان نحطها على الديسك توب
رمضان اللى فات
2007

هناك 8 تعليقات:

فاتيما يقول...

فاكر يا حبيبى لما عملنا الرسمة دى سوا
و قعدنا نفن فيها عشان نحطها على الديسك توب زى كل مناسبة تعدى علينا سوا
كان نفسى السنة دى نعمل كدا برضو
للأسف مبقاش ينفع
معلش
كل سنة و إنت طيب يا حبيبى
رمضان كريم
و ربنا اكرم
قوى
قوى

t3ban يقول...
أزال المؤلف هذا التعليق.
t3ban يقول...

و انت طيبة
العمر لسة كبيير
و في كثيير
كل سنة و انت طيب يا يوسف

nigro يقول...

يوسف أفندي
إزيك يا أبو الكباتن
كل سنة و طيب يا أبو اليواسيف
إيه مالك؟
مستغرب إكمني داخل كده علطول و لا عرفتك أنا مين ولا كده؟
بص يا سيدي
ها بصيت
أوكيشن
أنا يا سيدي اسمي محمد النجار و صحابي الأنتيك بينادوني و يقولولي يا نيجرو
فانت بقى يا سيدي ممكن تناديني نيجرو
عارف يا واد يا يوسف
أنا أعرف عنك حاجات كتير قوي
ماتستغربش
أصل انا و ماما فاطمة أخوات
مش أخوات زي خالو ماجد و هي
لأ .. أخوات بالروح
أخوات بالغلاوة الساكنة جوا جوا القلب
أخوات بحاجة حلوة قوي يا يوسف اسمها الحب
ماما فاطمة بتحبك قوي يا يوسف
بتحبك بطريقة غريبة
عارف أنا أحياناً باستغرب من حبها الكبيييييييييير قوي قوي قوي ليك ده
و بأقول هو فيه حب بالشكل ده
هو فيه أم بتحب ولادها بالشكل ده
بس ماما
مفيش لحظة مش بتجيب سيرتك فيها
صحيح انت بعيد عنها دلوقت
بس بعيد عنها بالمكان بس
انما انت ساكن جوا قلبها و عقلها و خيالها
ماما فاطمة بتحبك قوي يا يوسف
اوعي ييجي اليوم اللي تزعلها منك
رغم اني مافتكرش انها اصلا ممكن تزعل منك
انت أغلى حاجة عندها
انت يا يوسف كل حياتها
عارف يا يوسف
انت أخدت في المدرسة المجموعة الشمسية؟
و ان الأرض و شوية كواكب تانية كده بتدور حوالين الشمس الكبيرة قوي و إن الشمس الكبيرة قوي دي هي اللي بتنورهم و بتديهم الدفا
أهو انت كده يا يوسف
إنت الشمس بالنسبة لماما
انت نورها و انت دفاها

أنا عارف إنك مش هنا دلوقت
و مش هتقرا كلامي ده دلوقت
بس أنا جوايا يقين إنك أكيد هتقراه في يوم
هتقراه و انت قاعد جنب ماما
و هي بتبصلك كدا و فرحانه بيك قوي

كل سنة و انت طيب يا يوسف
انت بقيت كبير دلوقت
بقيت راجل كبير
هنصوم رمضان كله السنة دي
و هنصلي التراويح كل يوم
صح؟
علشان ربنا يحبك قوي
و علشان ماما فاطمة تبقى فرحانة بيك
اتفقنا؟


ها يا يوسف .. ممكن أعتبر نفسي بقيت صاحبك؟


يلا سلام

شفـقــة و إحســــان يقول...

ماما فاتيما كل سنة وانتى طيبة انتى ويوسف
الرسومات جميلة اوى اوى

رندا يقول...

انا جيت هنا علشان اقول كلمة ليوسف حبيبى

كل سنة وانت اقرب الى الله والسنة الجاية تفرح ماما بيك اوى وتيجى وتكون فى حضنها
ماما يايوسف بتحبك اوى اوى وانت اكيد بتحبها كمان خلى بالك منها اوى علشان هى الى هدخلك الجنة بدعواتها الحلوة ليك
يبقى تخلى بالك منها اوى وتخليها فى حضنك اوى
دى اطيب ام لان مش كل ام تصلح تكون ام
لكن مامتك فاتيما جميلة اوى الكل بيحبها لطيبة قلبها وحنيتها يابختك يايوسف باماما زيها
يوسف انا بكتب ليك الكلمة دى ومش عارفة هتشوفها امتى بس هييجى اليوم الى تشوف الكلمة دى وتقراها
انا ام زى مامتك ومفيش اغلى عندنا غير اولادنا بس
الى هو انت طبعا عند مامتك
وعمرنا ماقلبنا هيكون سعيد غير بحبكم لينا
انا بحبك اوى يايوسف عارف لية علشان ماما فاتيما هى الى خلت الكل يحبك اوى
كانت بتقول عليك كلام حلو كتير وبتحكى عنك كلام برضة كتير
ودائما بتتكلم بقلبها عليك
ربنا يخليك ليها ويخليها ليك يارب

انا عارفة انك هتفهم كلامى علشان انت كبرت خلاص
وهتفهم كل كلمة اقصد بيها اية صح ياقمر

بوسة ليك كبيرة اوى من

انتى

رندا

رندا يقول...

نسيت اقولك يايوسف صحيح

لما تبقى مع ماما بقى هجيب اولادى ونقعد معاك نرسم رسومات كتيرة اوى
وتكون جميلة اكيد علشان يوسف هو الى هيقولنا نرسم اية
ونحطها معاك وبعد سنين طويلة هنفتكر ها برضةوتقولنا فاكرين الرسمة دى ونقعد نضحك كتير خالص

اشوفك بقى ها مش تتاخر علينا كتير كلنا مستنينك

بحبك اوى يااجمل يوسف

انتى
رندا

SMA يقول...

السلام عليكم ورحمة الله وبركاته ازيك يا يوسف عامل ايه وازاي ماما كويسيين الحمد لله ؟!!
الحمد لله ...وكل سنة وانتوا طيببين
أنا عضوة جديدة عايزة أصاحبك عارف ليه؟!! علشان انت رسوماتك جميلة وتصميمك لموقعك جميل وإنت شكلك جميل مش كده ولا كده
أنا عايزاك تدخل على صفحتي يا يوسف وتقيمها كده تقولي ايه رأيك فيها
خللي بالك ان أنا عضوة جديدة لسة امبار ح بس مشتركة في البلوجر قوللي رأيك في صفحاتي علشان ألغيها لو مش عجباك وأخليها لو ايه؟
أيوه انت قولتها صح, وكل سنة وانت طيب تاني
والسلام عليكم ورحمة الله وبركاته

Related Posts Plugin for WordPress, Blogger...
hi5