الخميس، نوفمبر 26، 2009

خالو ماجد حبيبى


خالو ماجد
هوه اللى عامل كرت المعايدة الحلو دا
بمناسبة العيد
مشكرين يا خاااااالو

هناك 14 تعليقًا:

فاتيما يقول...

أيوه يا حبيبى
شفت خالو ماجد فنان إزاى ؟؟
يعنى انت طالع له برضو ..فنان بالوراثة
بكرة تعمل حاجات زى دى و احلى
تبقى تقعد جنبه و تتفرج عليه و تتعلم منه
انت مجرم من غير اى حاجة ..فما بالك بقى لما تركز قوى و تاخد بالك و تعرف حاجات جديدة
إنت وحشتنى قوى يا حبيبى
وحشنى قعادك قصاد الجهاز و أنا ازعق فيك
كفاية كدااااا يا واد
وحشنى تلعب و تتنطط و تتشاقى
وحشنى لعبك المتنتورة فى كل حتة
وحشنى أحضرلك الاكل و انده عليك عشان تاخد كوباية اللبن و البسكوت معاها
وحشنى حضنك قوى
قوى
حواليا ناس كتير قوى و محدش بيعوضنى عنك
يا رب تكون مرتاح عندك
انا بدعيلك يا حبيبى
عشان الواحد ساعات مبيبقاش فاهم اللى بيحصله
ليه بيحصل
بس لازم يتعشم فى ربنا خير
و يتاكد إن فيه سبب مهم لكل حاجة
بتمنى أسمع صوتك العيد دا
و لو محصلش هزعل قوى
بس بعود روحى على الزعل ..يمكن يقل حجمه شوية
أنا جبتلك شوية لعب و شلت عيديتك فى الحصالة
معرفش ايه من الألعاب دلوقتى يعجبك
بس بحاول اجيب حاجات تنفع للولاد الكبار
طب متزعلشى ..الرجالة الكبار
يا ريت تكون بتخلى بالك من نفسك
بحبك يا روح قلبى
و عيد سعيد عليك منى و من خالو ماجد
و كمان من خالك هانى و هشام و سلمى
و تيتة طبعا
و من اخوك عادل ..و لماضة و دودو و شريف إبن خيخة و عمر و يوسف ولاد دوبا و من كل الحبايب اللى بتحبك و من قبل ما تشوفك يا حبيبى
كل عيد و انت طيب
و يا رب
العيد الجاى
تكون فى حضنى بقى
ب ح ب ك

Somaya Kamal El Din يقول...

ربنا يخليكم لبعض

وعيد سعيد ليك يا يوسف ولماما

ويا رب تستمتعوا

adel يقول...

يسوفا اخويا الصغنن
كوووووووووووول سنة و انت طيب ياعثل
وعلي فكرة عيديتك محفوظة
وعاوزين روسومات جديدة بقي للعيد
اتصرف بقي مليش دعوة

sookra يقول...

حبيب قلب ماماتك فاتيما
يوسف الجميل
يارب يارب ترجع لحضن مامتك يايوسف
وتنور دنيتها
هى مشتقالك جدا اكتر مما اى علق يتخيل او يتصور
ياريت تتصل بيها يايوسف وتسمعها صوتك
ايه ياواد
موش عاوز العيديه من خالتو سها ولاايه
ايوه انا خالتك سها
بحبك عشان مامتك بتعشق التراب اللى انت بتمشى عليه
خلى بالك من نفسك يايوسف عشان خاطر عيون فاتيما
وحشتنا يايوسف
وماتغيبش كتير كدا

عاشقه الرومانسيه يقول...

كل سنه وانت طيب يايوسف باشا
(:
نفسى اشوفك بقى ياواد ياشقاوه انت
لما تيجى لى اسكندريه مع ماما مش هنبطل لعب وجرى
اصل انا عيله قوى فى الحاجات دى
ولما تيجى لى فى الصيف هننزل الميه سوى
ونلعب مع الموجه واخليك تحب البحر زى انا ما بحبه
بوسه وحضونه قد موج البحر ياحبيبى
بلغ سلامى لتيته وماما واشكر خالو ماجد على الصوره الجميله دى

كيكى عوووووو يقول...

ياعم يوسف انت الوحيد الى يليق اوى عليه
ياقريب وبعيد!!!
كل سنه وانت فاكر انك عندك ام عمر ماحد حلم بيها مليانه حنان وطيبة يكفوا الدنيا دى كلها واكتر كمان وليها حضن يخدك يروح بيك لبعيد اوى
كل سنه وانت طيب ياحبيبى
كل سنه وماما على بالك دايما
كل سنة والكلمة الطيبة هى الى بتبقى
(`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
*************************

رحــــيـل يقول...

ربنا يطمنك عليه

ويكون بخير دايما
وعيد سعيد عليكى وعليه
مووووووووووا ليكى وليوسف

عابرة السبيل يقول...

جميل يا يوسف
كل سنة وانت طيب بس انت بتتاخر فى رسمك لينا ليه ؟

عايزين نشوف المواهب

اقصوصه يقول...

سنه ميلاديه سعيده

عامره بطاعة الرحمن

اتمناها لك :)

adel يقول...

يوسف ... واحشتني قوي يا ولد
نفسي ابعتلك ميل بيني و بينك بس مؤقتا مفيش الا المدونة اللي مصر كلها بتشوفها

كان في كلام سر نفسي متعرفوش بالكلام
معرفش يمكن تفهمني او لا
بس لو ربنا ادني عمر .... و بعد كام سنة و الذاكرة سمحت و الظروف و افتكرت الكومنت ده هاقولك ليه

علي فكرة انا بحبك اكتر من اخواتي رغم اننا لو اتقبلنا ممكن منبقاش اصحاب (بس هتغلبك في البلاي ستيشن متقلقش ز هاجيبلك اي كارتون نفسك فيه)

في شئ مشترك مكنش بمزاجي بس صدقني و افتكر كلامي ده .... اول شئ مش بمزاجي بس اكون محتاجة كده !!!!

--------------
في اغنية لمنير بسمعها بقالي كتير معلقة معايا
(كل الحاجات - شريط شوكولاتة 1989)


كل الحجات بتفكرني .. بعيون حرتها تحيرني .. والذكرى مش بتصبرني
تمر صرتك انتبيم .. الابتسامه تعذبني .. كل الحجات حوليا تدور .. ذي الحطان بتداري النور
وقلبي من بعد الطيران .. ما حلته الا جناح مكسور .. دلؤتي مهما اقول الآه وانت بعيد مين يسمعني يويويويو .... يويويويو
****
كل الحجات الا عيونك ممكن انسى .. كل الحجات من حوليا عرفه وحسا
ضاع الونس يا قمر غايب بعدك ماليش اي حبايب دلؤتي حتى بخاف حزني يبعد عني
***
كل الحجات كانت تضحك لما تقبلك .. لا عرفت نفسي من قبلك ولا من بعدك
قبلك ماكنليش ولا حاجه .. بعدك سنيني المحتاجه .. ياريت تشوف دمعه صوتي لما بغني
***
كل الحجات بتعذبني وانا وحداني .. تهرب قصادي وتقلي ماتجيش تاني
دور على الي كان وياك.. تحت الورود ديما اشواك..كل الي يومها فرحتو معاك بيعذبني
--------------------
شكل المدونة الجديد حلو قوي :)
ذوقك هايل قوي

غير معرف يقول...

عارفة ان ده مش المكان الى اكتب فيه كده بس لازم اقولك انك كل ماشوف مدونتك دى باعيط اوى اوى اوى وقلبى بيتحرق اما اتخيل ان ممكن ابن اختى برده يتعمله مدونة كده قريب اول حاجة قريتهالك كانت فى كتاب من سلسلة دون وكانت صاحبتى ليها مدونة فيه بس مالهاش علاقة بالموضوع ده بس اشتريت الكتاب وللاسف وقع فى ايد اختى وقعدت طول اليل تعيط :( وانا بقى خدته الصبح بجد بجد دموعى حرقت لى خدى كل ماقرا سطر ماقدرتش امسك نفسى ربنا يا رب يردهولك وميحرمناش من ابن اختى ياااااااارب

Wanda يقول...

http://www.steinerbooks.org/images/large/0863154905.jpg

adel يقول...

19-3-2010
الجمعة

u make my day & baskouta 2
اتعلم بقي كلمتين انجليزي و تعالي ذكرهم هنا

اسمع دي :)
اغنية عبقرية قوي كنت بسمعها في عيد ميلادي طول اليوم :) السن بقي
النهاردة يومها
-----------------
مودي و حسين الامام - و ماله

http://www.youtube.com/watch?v=KVfj3lVGmWY

وماله
وحتتعدل مهما تطول
عمر ما شيئ يثبت على حاله
وماله يا سيدى وماله
وماله عمر ما شيئ يثبت على حاله
مهمن عملوا ومهمن قالوا
وماله وماله
طلعت نزلت
شافت عميت
طول ماللقمه عرقها حلال
وماله
طول ما الصحه مكن وعال
وماله يا سيدى وماله
وماله يا سيدى وماله
قبت طبت
فطت عدت
طول ما فى قلبك حسن الفال
وماله
طول ما الصدق معاك جوال
وماله وماله يا سيدى وماله
عمر ما شيئ يثبت على حاله
مهما عملوا مهما قالوا
وحتتعدل مهما تطول
عمر ما شي يثبت على حاله
وماله
طلعت نزلت
شافت عميت
طبت قبت
فطت عدت
شفطت نطرت
قامت قعدت
سخنت بردت
ضحكت زعلت
عمر ما شيئ يثبت على حاله
مهما عملوا ومهما قالوا
وماله

Wanda يقول...

عايزين بوست جديد يا يوسف
مش معقول كده :-))
بوست معايدة على ماما
او حتى مقطع من المكالمة :-)))
ولا بلاش ليكون اسرارا و احنا اصلنا بنحب نتدخل فى كل حاجة

اه ده طلعت لماما يايوسف و ليك اصحاب كثير
و بتتكسف يا يوسف :-)) و بعدين مين حيعاكس البنات الحلوين لما اليوسفيون يخجلون ؟؟؟

مطلوش علينا يا يوسف

خذ دول وصلهم لماما
:-*******************************
:-XXXXXXXXXXXXXXXXXXXXXXXXXXXXXXX

صبحية النهاردة
اصل اخاف لو قربت تملصلى ودانى
:-)))

Related Posts Plugin for WordPress, Blogger...