السبت، يونيو 05، 2010

مـيـكى ..مـيكى .. انتا صـديـقـى



آخر حاجة رسمتها
وأنا قاعد عند ماما

يناير 2008


--------------------------------------------------



شكراااااا يا طنط منونا
على شكل مدونتى الجديد

طلع حلو وجميييييل قوى
انا متشكر يا حضرتك


هناك 7 تعليقات:

فاتيما يقول...

ياااااه
فاكرة الرسمة دى يا حبيبى ؟!!
كان ليلة منتا مشيت


كنا مستنيين تيتة تلبس
عشان نروح للدكتور
و قولتلك ارسملى حاجة
يا يسوفتى ع السريع كدا

روحت راسم ميكى الجميل دا
ساعتها قولتلك
الكوتشى اليمين اكبر م الكوتشى الشمال ..
و كدا مينفعشى
عشان الفنان الكبير بتاعى
لازم يكون دقيق
و رسمته حلوة خالص زيه


انتا خدت الحكاية ببساطة
و كنت ديمقراطى خالص
و روحت ماسح الكوتشى
و صغرته عشان يبقى قد التانى

ساعتها بوستك
و قولتلك انتا شاطر قوى يا حبيبى
و مش عيب الواحد يرسم حاجة غلط
العيب انه يسيبها كدا
و ميصلحهاش لو يقدر ..
و الواحد دايما لازم يقبل
رأى الناس و ميزعلش
و يركز انه يحسن نفسه

تعرف انك وحشتنى قوى
و وحشتنى رسماتك
يا ترى لسه بترسم زى الاول ؟؟


على فكرة
انا جيبالك كمية علب الوان
لا تتخيلها ..
شمع و خشب و مية و فلوماستر

و بس انتا ترجع
و تفضل تلون
و ترسم
و تملى مدونتك دى
بكل الحاجات الحلوة ...


ان شاء الله يا حبيبى
ترجع لحضنى بألف سلامة


انا بحبك قوى
و انتا
وحشتنى قوى قوى

اما ترجع ابقى اشكر
طنط منونا
عشان قالب المدونة الجديد دا
هدية منها
انا شكرتها بالنيابة عنك مؤقتا



تيتة بتجيب سيرتك كتيييير
الأيام دى و مش عاوزة تقولى
انك وحشتها قوى
بس باين عليها جدااا

اكيد نتيجتك طلعت و نجحت
الف مبروك يا حبيبى
انتا شاطر من غير كلام



آه
عادل و بسكوتة
بيسلموا عليك


ب ح ب ك

سواحة يقول...

:-)
عقبال متجيبله تربيزة رسم و مسطرة حرف تى للرسم :-))او يطلع فنان و يلخوصلك الشقة الوان زيت و اكريلك وورنيش :-)

ايه التطورات ديه كلها يامنمونة

мαησηα يقول...

يارب يا حبيبى تيجى بقه وتشكرنى بنفسك

وساعتها لن ولايونكن اتنازل

عن حضن كبييييييييييييييييييييير

جدااااااااااا

وبووووووووسة كبيررررررة

جدااااااا

تقولى انا بقيت راجل والافلام دى

ولا هيهمنى

تقولى خلى بالك عمو ابو عيالك هيغير منى

اقولك تؤ عمو هو كمان بيحبك اوى

وكان بيدعيلك معايا ترجعل لماما

بالسلامة

ربنا يردك لحضن احلى ماما فاتيما ف

الدنيا يا حبيب قلبى وقلبها




تيما حبيبتى دى والله العظيم حاجة

بسيطة جداااااا ووالله العظيم انتى

خلتيه اجمل اجمل بكتييييير

يارب يطلع وشه حلو عليكى

واول ماتيجى تفتحى المدونة تقرأى

تعليقى ده يكون يوسف بيقراه معاكى

يارب اللهم اميييييييييييييييين

مافيش حاجة بعيدة عن ربنا والله يا تمتم

تيماااااااا

انا بحبكى جدااااااااا جداااااااااا

ربنا مايحرمنيش منك ابدااا ولا من

حنية قلبك ولا سؤالك عنى

ولا وقفتك جنبى ( لسه هتقفى ههههههه )

ماتقلقيش هاهد حيلك باذن الله ههههههه

Baskouta يقول...

انا ممكن اسلم على يوسف بنفسي يا مامي
رسمتك حلوة يا يوسف
يارب ترجع لحضن مامي وتملى الدنيا رسومات.

بس يبقالي رسمةليا لوحدي
ترسملي بسكوتاية بالعسل

بوسة ليك ولمامي
بسكوتة

غير معرف يقول...

جميله اوى الرسمه يا فاتيما شكله كبر وبقا ولد جامد جدا
ربنا يفرحك بيه
يارب يرجع لحضنك يارب ويجمعك بيه على خير
شكله فمتم اوى يا فاتيما
انا مستنياه اما يرجع كمان عشان يرسم لى ديزين فى البيت اللى بحلم بيه
ربنا يريخ قلبك

كيكى عوووووو يقول...

ايه ياعم الحاجات الجامده دى
انت هتنفسنى بقى ولا ايه!!
انت عارف انى انا كمان برسم بس مش بالالون برسم واظلل بالرصاص بس انا بطلت دلوقتى
بص ان شاء الله لمة ترجع
انا اوريك حاجتى وانت تورينى ولاى حاجتوا احلى من التانى يعزم التانى ع كشرى ابو طارق
اتفقنا بس كلاااااام رداله
وانا عارفة ان فاتيما مخلفه رداله
عووو

كيكى عوووووو يقول...

اه صحيح
وابقى اقول لماما كيكى بتقولك وحشتينى
ولا اقولك خليها فى سرك
ربنا يحفظك

Related Posts Plugin for WordPress, Blogger...
hi5