الأحد، مايو 04، 2008



الكلب سنووبى و موش عارفة بيعمل إيه

فيا ريت محدش يسأل

2006

هناك 14 تعليقًا:

حازم شلبى يقول...

مساء الخير يا سى يوسفه ...

تسمحلى اتقل عليك يا كابتن شوية .. اصل مش لاقى حتة اروحها ومش عارف ايه اللى جابنى عندك هنا ... انت عارف انى باجى ازورك كتير بس من غير ما تحس بس اشوف ماما كاتبالك ايه و أطمن عليك و أقفل الباب ورايا و امشى من سكات بس المرة دى مش عارف ايه اللى خلانى اعمل صوت .. عارف يا عم جو اصلى بصراحة كده انا جاى احتمى بيك يلا بقى .. رحت عند ماما هناك وشفت الكلام اللى كتباه وكل اللى فاتنى .. حسيت انى صغير قوى وانها كبيرة قوى قوى .. اتكسفت من نفسى ورحت ماشى مالقيتش حتة اروحها قلت اجى لسعادتك يمكن اعرف افضفض معاك شوية .. مش عارف ليه يا يوسف العصفور جواه حزن ممكن يكفى العالم كله .. يمكن زهق من الاحلام ولا تعب من الطيران وجناحاته مش قادرة توصله للشاطئ التانى .. انت فاهمنى يا صاحبى و لا لأ ... مش مهم المهم انى اطمنت عليك ومش عايزك تقلق عليا حتلاقينى دايماً معاك حتى من غير ما تحس .
اه نسيت أقولك ... قول لماما شكراً على التاج الجميل و قولها اغنية نجاة زودت هموم العصفور وبالمرة تشوف أغنية "ليالى الشمال الحزينة " لست الحزن و الجمال عشان تكمل بقى يلا انشالله ما حد حوش ... تقبل خالص حبى و تحياتى يا صاحبى البعيد

فاتيما يقول...

يسوفة يا حبيبى
إيه دا حد سبقنى و كتبلك قبلى ؟؟؟
مين دا
عمو حازم ؟
لأ دا موش حد غريب
طيب خلاص مفيش مشكلة
رسمة سنوبى دى جميلة قوى بس موش عارفة هوه بيعمل إيه لما ترجع تبقى تقولى بقى
و يا عمو حازم وحشتنا و عصفورك أوعى يكون زى فوفو و سوسو ؟؟

Bongo يقول...

ههههههههه
حلوة اوووي بس مش تسأليه بيعمل ايه
و ايه اللي قدامه ده ؟؟

لأ لأ احنا لازم نعرف .. لأن الحاجه اللي لونها احمر اللي قدامه دي شكلها قنبلة و هتفجر المدونة و انتي متعرفيش

الحقي اسأليه بقي يا فاتيما :D

بجد جميلة جداا ربنا يخليهولك :) معلش اتأخرت عليكي شوية .. عندي امتحانات اليومين دول .. دعوااااااتك بقي :)

القط البرى يقول...

يا طنط فاتيما انا مدون جديد واسمى القط البرى ممكن اتعرف بيكى انا منتظر الرد
شكرا يا طنط فاتيما

والسلام عليكم

فاتيما يقول...

يا بنجو أشكرك على زياراتك الجميلة
و تشجيعك ليوسف
بس هوه دلوقتى عند باباه بحكم محكمة و أنا عملت المدونة دى مخصوص برسمواته اللى رسماها قبل ما يمشى و حبيت احطها عشان لما يرجع يعرف إنى كنت بفكر فيه و ناس حلوة زيكم كمان بتشجعه و تقوله برافو ...
أشكرك من كل قلبى و ربنا يوفقك فى الأمتحانات يا رب

فاتيما يقول...

القط البرى
يا فندم يشرفنى نتعرف و بكره لما يوسف إبنى يرجع تبقوا أصحاب هوه عنده 9 سنين أنت بقى عندك كام سنة و أسمك محمد موش كده ؟
أنا روحت مدونتك و عجبتنى قوى قوى و برافو عليكى جبت كل الصور الحلوة دى منين أصلى بحب القطط قوى و مربيه قطة سيامى عارفها البيضا و ودانها و ديلها لونهم أسود ...
أنا مبسوطة بيك قوى يا محمد ..
تعال كتير و قولى رأيك إيه فى رسومات يوسف ؟؟

.:.-=- ELGaZaLy-=-.:. يقول...

هههههههههههههههههههههه

لا طبعا واضح جداا هو بيعمل اية,,,

الموضوع مش محتاج اننا نسال اصلا...


ربنا يخليلك يوسف يارب روسوماتة جميلة اوى... وكلامك عنة اجمل,,,

nonoymm يقول...

عسل عسل ربنا يباركلك فيه
دي مدونة الطفولة بئا
انا مش فاهمة انتي عاملة مدونتين صح واحدة للرسومات الطفولة والتانية الامومة ؟؟؟؟
عسل يا فاتيما الله يبارك لك
تحياتي

اهو ده عيبه يقول...

هى بصراحه حلوة قوى قوى
بس بيعمل ايه يسؤل فى ذلك سنوووبى

ما شاء الله فنان وليه مستقبل

بقولك ايه يا فاتيما ابقى شيلى والنبى حروف الراجل ابو كرسى بعجل ده لحسن بتشلنى على ما بكتبها

القط البرى يقول...

ملحوظة يا طنط فاتيا انا اسمى محمود مش محمد وانا عندى 11 سنة وانا فى الصف الخامس الابتدائى وروسمات يوسف جميلة جدا هو اذاى رسمها

ليه بتكرهى لما يوسف يرجع بلسلامة ونبقة صحاب

فاتيما يقول...

الغزالى
يا فندم نورت جدا و شرفت مدونة يوسف
و اتمنى كل رسوماته تكون بتعجبك
و موضوع سنوبى دا إنت الحقيقة حليته لحسن محرجة جدا و خايفة حد يسألنى ألوص .....
نورت و أسعدتنى زيارتك و اكيد هتسعد يوسف لما يرجع أن شاءالله
تحياتى الخالصة

فاتيما يقول...

nonoymm
يا حبيبتى منورة دايما و بفرح لما أقرالك تعليق هنا و لا هناك
و يوسف أكيد هيكون سعيد بيكى و خلاص خليتنا امومة و طفولة ماشى يا فندم
نمشيها امومة و طفولة
و تحياتى ليكى من كل قلبى

فاتيما يقول...

اهو ده عيبه
يا داليا معلشى و الله مكنتش واخدة بالى من الحكاية بتاعة الراجل ابو كرسى دا ...أنا شيلته من الممنطقة خالص يا ترى نفع ؟؟؟
طيب يا حبيبتى اى خدمة
و مشكرين يا ذوق على رأيك فى رسومات فنانا التشكيكى الكبير
و دمتى لى بكل حب يا بيبو معلشى بقى أسم الدلع و لزق خلاص فى لسانى

فاتيما يقول...

القط البرى
يا محمود يا حبيبى موش قصدى والله أنا قصدى بكره اللى هوه المستقبل موش الكراهية خالص ...بالعكس يسعدنى جدا لما يرجع تكونو اصدقاء و تدخلوا مدونات بعض و تلعبوا على النت سوا و كدا ...
لما يرجع أن شاء الله دا يحصل
و الروسمات دى يا محمود كانت فى برنامج موش فكامرة أسمه دلوقتى بس الأيكونة بتاعته على شكل بطريق أسود ...
و ممكن تستخدم برنامج الpaint
اللى موجود فى برامج الويندوز ممكن يخليك ترسم برضو و تلون ألوان جميلة
و تحياتى يا محمود أنا سعيدة جدا أنك بتيجى تسأل على يوسف و تزورنى
خلى بالك من نفسك بقى
باباى

Related Posts Plugin for WordPress, Blogger...