الخميس، مايو 15، 2008

أومى و فريقه الخارق
2006

هناك 5 تعليقات:

فاتيما يقول...

فاكر كارتون أومى دا
الواد الأصفر أبو نقط غريبة على جبينه دا ؟؟
و بيجرى و يحارب بحركات الكارتيه و الكونغ فو دا و إنت تعقد تقلده و قولتلى إنك هتعمل فريق زيه و هتضمنى مكان البنت ام فيونكات دى و تخلى زوزو القطة مكان التنين بتاعهم اللى بيطير فى السما ....
قولتلك ماشى بس أبقى أنا الزعيمة و كلكم تسمعوا كلامى سكتت شوية و بعدين قولتلى ماشى بس تسمعى كلامى برضو لما أقولك على حاجة ...و اتفقنا
وحشنى اللعب معاك قوى و وحشنى الفرجة على الكارتون قوى و نفسى ترجع بقى عشان نلعب و نتفرج و تيجى فى حضنى يا حبيبى ....

nonoymm يقول...

يارب يا حبيبتي وتقر عينك بيه اللهم امين يارب العالمين
عسولة رسوماته الله اكبر ما شاء الله لا قوة الا بالله ربنا يحميه
تحياتي

حازم شلبى يقول...

ازيك يا كابتن يوسفه .. عارف يا ريس انا جاى مخصوص المره دى ومش باتسحب زى كل مرة عشان اقول لماما معاك طبعاً يا عم جو " كل سنة و هى طيبة " مع انى اول واحد قلتها امبارح ومع هدية متواضعة كده بس برضه حبيت اجى و اقولها تانى مع سعادتك اصلها تستاهل وكفاية انها بتحبك الحب ده كله .. خلاص يا صاحبى حتوصل الامانة و لا ايه .. تصبح على خيروون بقى و بطل شخبطة على الحيطان .

فاتيما يقول...

nonoymm
ميرسى يا نونويام على ذوقك و تشجيعك ليوسف ...
ربنا يكرمك و يسعد قلبك زى ما بتسعدينى و هتسعديه لما يرجع
ان شاء الله
دمتى دوما بخير

فاتيما يقول...

حازم
ربنا يخليك لينا انا و يوسف يا رب
تعيش و تعايدنا
و تعيش و تزورنا هنا دايما
و بشكرك بالنيابة عن قطتى المشمشية يسوفة
الف شكر على الهدية
و الزيارات
و كل حاجة حلوة منك

Related Posts Plugin for WordPress, Blogger...