الخميس، أغسطس 20، 2009

العنكبوت اليوسف






عيد ميلاد سعيد يا روح قلب ماما

يا أجمل حاجة حصلتلى ف حياتى و بسببها أنا عايشة

و مكملة ... بحبك قوى يا نور عينى و لو حتى ف آخر الكون

ولازم احتفل بعيد ميلادك و كانك قاعد قصادى

انا محضرلك الهدايا و كل حاجة بتحبها

بحباااااااااااااااااااك قوى


Webfetti.com



دى تورتاية كدا و كدا يعنى مش بحق و حقيقى



Webfetti.com


دى بالونات و فى آخر الحفلة هنبقى ندى شوية
منها للعيال و الباقيين نعقد نفرقعها و نطيرها م البلكونة

Webfetti.com



دى لوزة القطاية بتاعتك و بتتنطط و فرحانة بعيد ميلادك

Webfetti.com

أنا و إنتا اهو بنقف عشان نستقبل كل الحبايب

ورينى فين الإبتسامة الحلوة ؟
Webfetti.com


من اول ما جيت الدنيا و إنتا سبب فرحى
Webfetti.com

بالنوسبة لهداياك ... ليك عندى عشر هدايا

عشان بقى عند 10 سنين و كل سنة بهدية

يلا ما عن حد حوش

Webfetti.com

الطراطير عشان المعازيم واعمل حسابى معاكو ف واحد ..ممكن ؟؟!!





التورتاية الملونة دى للناس الحلوة اللى حاضرة الحفلة

بس إنتا عارف انا و إنتا بنحب إيه


الشكولاتة طبعاااااااا ... هناكلها سوا ف الخباثة بعد الناس ما تروح


كل سنة و إنت إبنى حبيبى اللى بتشرف بيه
و بامومتى ليه

و كل ما تكبر حبة اقول يا سلام

العنكبوت اليوسف

طلع فوق السطح

و لا مطر الدنيا كله

هيوقعه تحت

فاكر الغنوة دى .. دى كانت غنوتنا سوا يا حبيبى

بحبك قوى يا عيون ماما

و السنة الجاية ف عيد ميلادك ..إن شاء الله

تبقى فى حضنى

بوسة و حضونة قد الدنيا دى بحالها


ناس حلوة يا حبيبى بتحتفل بعيد ميلادك معايا
===================

هناك 66 تعليقًا:

فاتيما يقول...

Hانا لازم اكون اول واحدة مش معقول يعنى ؟؟
كل سنة و إنتا بألف خير و سعادة يا حبيبى
خير ..لأنك السبب اللى مخلى ف قلبى
بعد كل اللى شوفته من شر ف الدنيا
حبة خير
و سعادة لأنك مصدر سعادتى يا حبيبى
و مش بقول كلام ف الهوا و بكرة ترجع و احكيلك على كل حاجة و إنت تحكم بنفسك
كل سنة و انت طيب يا حبيبى
و عيد ميلاد سعيد

شـقـاوة مـراهـقـة يقول...

كل ثانيه ويوسف بالف خير وصحة وسلامة ..

وياااااااااااااارب يااااااااااااارب العمر كله في سعادة وفرح ويكون معاااااااكي يافاتيما ..

وعقبال 155896457312058496732121 سنه في حضنك ان شاء الله يا فاتيما ..

ربنا يخليكو لبعض يااااااااااااااااااااارب ويجمعكو على الخير في اقرب وقت ..

ربنا يحفظه ليكي يارب يا فاتيما ويباركلك فيه وتشوفيه زي مابتتمني واكتر ..

قلبي معاكي ودايما والله بدعيلك يوسف يرجع لحضنك في اقرب وقت ان شاء الله ..

هدعيلك كمان كتير قووووووووووووووووووي في رمضان باذن الله ..

كل سنه وانت طيووووووب يا يوسف

يابختك يا عم عندك ماما زي فاتيما كده

ويابختك يا فاتيما عندك ولد زي يوسف

ربنا ما يحرمكم من بعض ابداااااااااااااااااااا

عيد ميلااااااااااااد سعيد

لقد خلقنا الله احرارا يقول...

كل سنة وهو وانت طيبين
السنة الجاية ان شا الله يكون فى حضنك
ربنا يتمم فرحتك بيه

mimi يقول...

كل سنة وانت طيوووووووووب يا يوسي يا حبيب مامي وحبيبنا كلنا

انا حبيتك أوي من غير ما أشوفك
بس لازم تشوف خالتو ميمي اللي بتحب مامي كتير

يوسي .... عيد ميلاد سعيد

حاجات جوايا يقول...

كل سنة وانتى طيبة يا فاتيما
وكل سنة وانت طيب يا يوسف
ربنا يخليلك ماما اللى بتحبك اكتر من الدنيا كلها وبتخاف عليك من النسمة
ربنا يبارك فى عمرك وتعوض ماما عن كل اللى شافته فى حياتها وفى غيابك
كل سنة وانت طيب يا حبيبى
عيد ميلاد سعيد عليك وعقبال يارب 100 سنة وانت فرحان وسعيد
رمضان كريم عليك وعلى ماما وعلى المسلمين

assafo anaroze يقول...

عزيزتي فاتيما
كل سنة و يوسف قلب ماما بخير يا رب يكبر كده و يشرفك و يكون زي ما انت تمنيتي و اكثر
كل سنة و يوسف بالف خير
كل سنة و يوسف و ماما يوسف في سعادة و حب
كل سنة و يوسف يكون في صحة و عافية
كل سنة و يوسف يعيش في وئام
كل سنة ويوسف يكبر و يكبر عشان يقدر يسعد يا فاتيما
تأكدي انه راح يرجع

مهندس مصري يقول...

كل سنة و هو طيب
و ربنا يرجعه لحضنك يارب
و أنا و هو من نفس البرج
:)
و لو إني مش بأعتقد في الأبراج

كل سنة و انتي طيبة

adel يقول...

ايه ده ؟؟؟
ازاي انا مش تاني تعليق ؟
هاااا ازاااااي

علي العموم كل سنة و انا طااااايب يايوسف
وهدياتك عندي (مش كلام خالص)
اخويا بقي :):)

وفي الخباثة برضه انا هاكل من الشوكولاتة .... مليش دعوة :(:(

كل سنة و انت طيب و رمضان كريم كمان
والهدية بقي معاها فانوس كمان (بس مش كرمبو ...فانوس بجد بتاع زمان ده)

وهدية كمان زيادة ...لما ترجع هاخدك السينما نتفرج علي فيلم كارتون (انا بحبهم) و انت تتفرج و ترسم بقي :):)

ranim يقول...

كل سنه و أنت طيب يا يوسف وعقبال 100000 سنه وأنت في حضن ماما

adel يقول...

علي فكرة ياماما نزلت بوست حالا .. حاجزلك تعليق :):)
وحاجز ليوسف كمان :)

BoBo يقول...

كل سنة وانت جميل يا روح قلب ماما وروح قلبنا كلنا.. على فكرة احنا كلنا بقينا بنحبك اوي يا يسوفة من كلام ماما عنك.. يلا تعالى عشان احنا عاوزين نبوسك ونحضنك وناكلك اكل وعمر كمان مستنيك تيجي عشان تلاعبه وتوريله قطتك.. عقبال 100 سنة يا جميل

فاتيما يقول...

يسوفى
التعليق دا من طنط دوبا يا حبيبى
مامت يسوفة العسل و النونة الجاية ف السكة
هيا حبيبتى و صديقتى و مدرستى الهايلة و عندها ولد جميل زيك و إسمه زى إسمك و كتبت التعليق عندى و قالتلى أحطه هنا عشان النت مغلس معاها أهو ..أقرى براحتك بقى

*_*_*_*_*_*_*_*_*_*

عزيزى الأستاذ / يوسف بيك

تحيه طيبة وبعد،،

أحببت من موقعى هذا أن أزف إليك بعض من فرحتى وأشواقى إليك بمناسبة عيد ميلادك العاشر، وعقبال المائة عن قريب بإذن الله

أما بعد،،

أحب أن أنوه إليكم بأن شخص والدتكم الكريم قربت تجيلها هسس من كتر شوقها إليك وأحب فى يوم مولدك أن نكون جميعاً يداً واحدة حولها نشاركها فى أكل التورتات والشيوكلاتات وحاول تلحق نفسك يقما هتيجى تلاقى الغيلان أكلت كل الأكل والهدايا كمان

أما بعد تانى،،

الناس كلها بقت بتحبك قوى قوى من كتر حب مامى طمطم ليك وكلنا بنتمى تكون ف حضنها دلوقتى ودايما وهتكون بين أحضاننا.

كل سنة وانت طيب بمناسبة رمضان وهديتى ليك فانوس جميل بيقول وحوى يا وحوى وهنقعد نلعب ف الشارع براحتنا ولو مامتك زعقتلنا هننفضلها

وفى النهاية أحب أن أتمنى لك سنوات وسنوات من السعادة المطلقة وحفظك الله دوما لوالدتك وحفظك الله عن عيون الآخرين وكيدهم

مع أطيب تحياتى وقبلاتى لشخصكم الكريم
هبة دوبه

همس الاحباب يقول...

كل سنة ويوسف بخير
وعقبال 100 سنة
كل سنة وانتم بخير ودايما مع بعض
كل سنة وانتم سعداء
كل سنة وانتى طيبة يا ام يوسف
ورمضان كريم
وعيد ميلاد سعيد

أم مالك يقول...

ربنا يحميه ويحفظه
والعمر المديد له وليكى باذن الله
كل سنة وانتى بخير ياطمطم
والسنة الجاية
والسنة جاية يتم كل اللى بنتمناه
تحياتى

Appy يقول...

كل سنه ويوسف طيب وجميل وبخير وفرحانه بيه يا فاتيما يا رب ويخليه لكى ويبارك فيه ويرجع لحضنك بسرعه

dahlia.. يقول...

كل سنة و انت طيب يا يوسف يا روح قلب فاتيما و عقبال 100 سنة..احنا كلنا بنحبك قوي و نفسنا نشوفك قوي بس لما ترجع لحضن ماما ان شاء الله..و السنة الجاية تبقى أكبر و تشوف أحسن و تحب ماما أكتر

المعتصم يقول...

كل سنه وانت طيب ياسى يوسف
وعقبال مليون سنه
وكل سنه وانتِ كمان طيبه يافاتيما
وعقبال مانهنيكى برجوعه ليكى
والسنه الجايه ان شاء الله نحتفل بعيد ميلاد يوسف كلنا مع بعض
ونعمل لقاء مدونين فى اليوم ده ويوسف اللى يحدد المكان اللى يحبه ونتقابل هناك ونحتفل بعيد ميلاده
كل سنه وانت وماما طيبين ياعم يوسف
ســــــــــــــــلام

Dr. Chandra يقول...

كل سنة ويوسف طيب وكل سنة وانتي في ذاكرته

Bent Men ElZaman Da !! يقول...

كل سنه وانت طيب يا يوسف
وعقبال مليووووووون سنه يا قمر
وكل سنه ومامتك فرحانه بيك يارب

ستيته حسب الله الحمش يقول...

كل سنة وانت طيب يا يويو يا عسول
احمد بيسلم عليك وبيقول كل سنة وانت طيب
وبيقول لك هو عيد ميلاده اول تسعة يالا بسرعة بسرعة تعالى علشان نعمل العيدين مع بعض
وعلى رأي عادل امام "احلى الأعياد" يويو ومودي
انا بحبك قوي من قبل ما اشوفك
لأن ماما بتقول عنك حاجات كتير خلتني عارفاك من قبل ما اشوفك
ربنا يردك لحضن ماما قريبا جدا جدا ببركة الأيام المفترجة وربنا يجمعكما ولا يفرقكما ابدا
يارب يسخر لك الخلائق يا يوسف ويحبب فيك العباد
كل سنة وانت
أكبر
وأحلى
وأرجل
وأسعد
وفي حضن ماما وجوا قلبها وفي نيني عينيها ضيك

اسماء واحلام فى وجدانى يقول...

ايه يا عم يوسف الجمال ده
ايوة يا عم براحتك مين ادك

كل سنة وانت طيب ياقمر

بت خيخة وأي كلام يقول...

كل سنة وانت طيب يا يوسف
انا خالتك خيخة ام شريف

انا ماجبتلكش هديةعلشان مش معايا فلوس كتير النهاردة
لكن اوعدك انى لما اشوف مامتك فى يوم افطار الصائم هاسيبلك الهدية بتاعتك معاها
انامش عارفة انت بتحب ايه
بس هحاول اجيب حاجة تعجبك

انا دخلت على حين غرة عند مدونة مامتك
علشان اعرف ايه حكاية العنكبوت اليوسف دى
اصل انا بخاف من العنكبوت اوى
فاكنت عايزة اعرف ليه مامتك
رابطة اسمك بالعنكبوت
ولما فهمت ضحكت

انت بتصلى يا يوسف؟
متهيالى اه انك بتصلى

ابقى ادعى ربنا فى صلاتك انك ترجع لحضن مامتك
اصلها متشحتفة عليك
واحنا كمان خايفين عليك اوى
احنا عارفين انك قاعد مع ناس بيحبوك
بس مامتك كانت هتاخد بالها منك اكتر لان هى مالهاش حد غيرك بعد ربنا

تعرف تستاذن من باباك وتقوله انك عايز تروح عند مامتك
ولو يوم واحد تقضيه معاها كل اسبوع؟

عايزاك تتعرف على شريف ابنى
هواصغر منك بحوالى خمس سنين
شريف كان هيحبك ويحب يلعب معاك اوى

كل سنة وانت طيب يا حبيبى
وبعد اذنك ممكن اخد حتة كبيرة من تورتة الشكولاتة؟

يارب يا يوسف عيد ميلادك اللى جاى تحتفل بيه مع مامتك ومعانا كلنا

خد بالك من نفسك يا حبيبى
وعقبال 100 سنة

خالتك
خيخة ام شريف

*البت المشمشية *حلوة بس شقية * يقول...

يوسف حبيبى ابن احلا ام فى الدنيا يارب تبقا فى حضن ماما يا قمر عشان انا حجزتك خلاص عريس ليا ماليش دعوة بقه يا ماما
انا هنفض لعادل واخطب سوفة ماليش دعوة بقه

*البت المشمشية *حلوة بس شقية * يقول...

اة هديتك عندى باكو لبان اد كدة

reem يقول...

يوسف الجميل

كل سنة وانت طيب وعقبال مليون سنة يارب

عارف انا بموت فيك من قبل ما اشوفك ودا بسبب كلام مامتك ست الكل عنك وحبها الكبير ليك

كنزى وكرما بنوتاتى بيقولو لك كل سنة وانت طيب ونفسهم يتعرفو عليك

ان شاء الله نشوفك قريب مع مامى الجميلة فاتيما
ونعمل عيك ميلادك كلنا مع بعض
ربنا يحميك ويحقق لك كل امنياتك ويارب تكون كل ايامك حب وسعادة
يوسف خلى بالك من مامى لانها بتحبك اوى وعايشة بيك وليك

bos bos يقول...

كل سنه وهو طيب وبكل خير
وانتى كمان طيبة وبكل خير يا روح قلبى

ان شاء الله قريب يبقى فى حضنك

سمكه واحده يقول...

فتيماااااااا
كل سنه ويوسف جميل وطيب وربنا يباركلك فيه ويحميه يارب
وكل سنه وانتي طيببه وجميله زي ما اتنني وحوليكي كل الناس اللي بيحبوكي والللي انتي بتحبيهم
ربنا يحققلك كل احلامك ويبلغك رمضان

بس انا جايه اسلم اقلك
كل سنه وانتي طيبه

سمكه واحده يقول...

ولو كنت اعرف يا ستي ان قرب شهر رمضان هيخليكي تنوري مدونتي بالشكل ده والاقي من حبيبه قلبي تعلقين في بوستين وري بعض
ياااااه ده انا كنت دعيت كتير كتير
رمضان يجي بسرعه ويحعل السنه كلها رمضان عشان تنوريني علي طول
متعرفيش انا اول ما شوفت تعليقك الاول فرحت اد ايه والتاني فرحني اكتر
بس التعليق الاول هرد عليه قريب جداااااا بس استني عليا اسلم علي كل المدونين وافضي وارد علي تعليقك يا جميل

ليس فقيرا من يحب يقول...

السلام عليكم

كل سنه وانت طيب يا يوسف يا روح

قلب ماما وروح قلبنا كلنا

عقبال منشوفك دكترة ولا ظبوطه قد الدنيا

كل سنه وانتى طيبه يا ام يوسف

ممكن اطلب منك طلب صغنن وعارفه انك طيبه

وهتوافقى



ممكن تجوزينى يوسف

ايه رئيك يا يوسف تتجوزنى

وهاجيبلك من الابره لحد الصاروخ

هههههههههههههههههههههههههههههههههه

ها السكوت علامه الرضا

كل سنه وانتى طيبه يا فاتيما وكل سنه

وانت بالف هنا وراحه بال وسعاده

لا تـــشـــتــــاق يقول...

كل سنه وحضرتك طيبه وكل سنه وانت طيب يايوسف وربنا يخليكوا لبعض يارب

موناليزا يقول...

كل سنة وانت طيب يا يويو
اوعى تقولى بقى انك كبرت خلاص وبقيت راجل وما بتحبش حد يدلعك
بس انا مش اى حد يا قطتى
انا خالتو موناليزا اللى ياما دعيت من قلبى انك ترجع لحضن ماما فاتيما ولسه بدعى وواثقة انك اكيد هترجع
تعرف انه واحشنى رجوعك بجد
نفسى اوى ترجع بقى عشان كلنا نفرح
اصلنا كلنا مستنيينك
وواضح ان مش ماما بس اللى عايزاك ترجع
لا ده عائلة المدونين كلهم
اصلك بقيت مننا خلاص
والدليل مدونتك الجميلة دى
ماتنساش تشكر ماما لانها هى اللى عملتها وخليتها جميلة اوى كده
أجيبلك ايه بقى هدية
مش هينفع بقى بوسة وحضن والحركات دى لانك خلاص بقيت راجل:)
بص تعالى خد فانوس رمضان من عندى هتلاقيه اول واحد على ايدك اليمين:)
عقبال 110 سنة ياحبيبى
ويارب ترجع بسرعة بقى
يوسف
انا هاخد بالونة ممكن؟
انت عارف خالتو موناليزا ضعيفة جدا امام البالونات والوانهم الجميلة
موافق صح
:)
عشان موافقتك دى بقى هجيبلك معايا جلاكسى:) وناكلها سوا ونبقى نجيب لماما معانا كمان:) عشان نفرح كلنا
---------
طماطم ياجميلة
كل سنة وانتى طيبة ويوسف بخير
ورمضان سعيد علينا جميعا
وماتنسيش دعوات متبادلة لبعضنا البعض:)
أشوفك على خير ياحبيبتى

*البت المشمشية *حلوة بس شقية * يقول...

روح عندى ع المدونة دلوقتى

وومن يقول...

كل سنة وهو طيب وبخير
كل سنة وهو يوسف
كل سنة وهو أبنك
كل سنة وحبك الكبير
كل سنة وأنتي أم حنينة وجميلة
يااااارب السنة الجاية نطفي كلنا الشمعة الجاية وهو في وسطينا وفي حضن فاتيما يااااااااارب

مسدس صغير يقول...

كل سنة وانت طيب يا جو
والسنة الجاية نحتفل بعيد ميلادك وانت فى اخضان فاتيما
ربنا يرجعهولك بالسلامة
ويجعله قرة عينك
كل سنة وهوه طيب
يعنى الشهر اللى هنصومه ده اسمه ايه دالوقتى؟
هنصوم رمضان وللا نصوم يوسف؟؟
ههههههههه
ربنا يكرمك
ويكرمه ويبارك فيه

مي يقول...

يوسففففففففففففف حبيبنا كلنا
احلى طفل عيد ميلاده انهارده كل سنة وانت طيب ياحبيبى وعقبال ملييييييييييييون سنه تكون فى حضن ماما فاتيما امين
انت يا واد ياقمر انت خلاص بتكبر ياروحى وهتبقى راجل زى العسل العروسة عندى على فكرة ده انا لو انا مطمعتش فيك
اموووووووووووووه ياحبيبى وعقبال مليون سنة تكون فى صحة وخير
قول لماما تسيبلى حتة تورتة
هديتك عندى بقى
عقبال مانفرح بيك ياااارب

آيوشة يقول...

كل سنة وهو بخير يارب وربنا يرجعه ليك بالسلامة باذن الله

Hannoda يقول...

كل سنة و انت طيب و بخير يا حبيب قلب ماما و حبيب قلبنا كلنا
ويااارب قبل السنة الجاية تكون في حضن ماما و نفرح كلنا بيك وبرجوعك
كل سنة و انت طيبة يا أحلى أم في الدنيا.. وياارب يفرح قلبك بيه على طول ويرتاح قلبك بقربه
برج الاسد اللي اعرفه عنهم انهم بيحبوا يحسوا بالاهتمام وانهم محور اهتمام الناس كلها
ياريته يجي هنا و يشوف قد ايه هو شاغلنا كلنا و مجننا و قد ايه فيه ناس كتير نفسها تسمع عنهكل خير و تقوله كل سنة وهو طيب

ياارب السنة الجاية تعملي عيد ميلاده ونيجيلكم كلنا و معانا هدايانا لأحلى يوسف في الدنيا

انا فرحانة قوي عشان عارفة ازاي اليوم ده عندك حاجة تانية خااالص
يااارب تكوني مبسوطة زي ما انت راسمة كل الفرح و البلونات اللي هنا

حبيبتي يا فاتيما انت يوسف
بحبكم قوي قوي
بوسة كبييييييييرة ليوسف حبيبي

(Joudy) يقول...

متأخرة بس ملحوقة هو أنا اقدر اعرف إن عيدميلاد يوسف جه ومش أقوله كل سنة وهو طيب طبعا مش معقول وكمان مش اقوله رمضان كريم ده لا يمكن أبدا . . . . . . . كل سنة وانت طيب يا أحلى يوسف ورمضان كريم وأكيد انت هتكون صايم صح . . . .وش بيغمز . . .

يارب العيد ميلاد الجاى تكون مع ماما يارب وتبقى معاها طول العمر

دمت بكل الخير والسعادة

كيــــــــــــارا يقول...

كل سنة وانت طيب يااحلي يوسف ويارب تكون مع مامي وفي حضنها السنه الجايه لحسن انت وحشتها اوي اوي يايوسف

بدراوى يقول...

ربنا يسعدك و يفرحك بيه
و يسعده
و يارب يبقى معاكى السنة الجاية
و هابى بيرث داى يا يوسف
:-)

Baskouta يقول...

كل سنة وانت طيب يا احلى يوسف لاحلى ماما
ربنا يرجعك ليها ويفرحها بيك
عقبال 100 سنة بصحة وسعادة ونجاح وفرحة

ahmed_k يقول...

كل سنه ويوسف بخير يا فاتيما
وعقبال ميبقى عنده مييييييييية سنه
ويقرأ البوست ده ويضحك ويفتكر ايام الطفوله
واللي ماما عملته عشانه فيها
ربنا يخليه ويقلل البعاد اللي بينكم ويرجعلك قريبا جدا بإذن الله ,
ولحق برج الأسد أهوه يعني من بني برجي
متقلقيش لما أروح أحضر إجتماع الأسود حسلملك عليه

وكل سنه وأنتي ويوسف طيبين بمناسبة رمضان أعاده الله عليكما بالخير واليمن والبركات

mohra يقول...

كل سنه و انتم الاتنين طيبين و بخير

مواطن شووجااع يقول...

كل سنة وإنتم طيبين
ليكي عندي إن شاء الله دعوة عند الإفطار بكرة ربنا يرده ليكي رداً كريماً لكي تقر عينيك

اللهم إن في قلب أمتك فاطمة الزهراء مضغة تهفو إلي أليفها " يوسف" في غير ضراء مضرة ولا فتنة مضلة اللهم أجمعهما في الدنيا علي طاعتك وأكنفهم بعطفك ورعايتك وأحشرهما في الآخرة في مستقر رحمتك

Soul.o0o.Whisper يقول...

السلام عليكم و رحمة الله و بركاته

فاتيما الجميلة
و سيفا العنكبوت

رغم انى مش عارفة ايه حكاية العنكبوت دى ، بس ماعلينا

كل سنة و انتوا طيبين بمناسبة رمضان
و يااااااااارب السنة الجاية يكون رمضان مجمعكوا

و تهنئة خاصة لسيفا بمناسبة عيد ميلاده
و ياااااااارب السنة الجاية تحتفلوا بيه سوا

ربنا يفرح قلبك يا رب يا فاتيما
و يجمعكم على خير ان شاء الله

دمتى فى رعاية الله

سبهللة يقول...

كل سنة وانت طيب يا يوسف يا نور عين فاتيما
وان شاء الله لما ترجع نعمل لك عيد ميلاد تانى

ربنا يطمن قلبك برجوعه ان شاء الله يا طمطم
وكل سنة وانتى طيبة بمناسبة رمضان

بسنت صلاح الدين يقول...

يا حبيبه قلبى كل سنه و انتى و يوسف طيبين و يارب ان شاء الله السنه الجايه يكون عيد ميلاده فى حضنك وينور عليكى البيت ، انا هاخد حته تورته كريمه بقى اصلى بحبها بالمناسبه الحلوه دى ،بس متنسيش العيد ميلاد الجاى بقى تعزمينى عشان نشوف القمر روح قلب مامته،وكل سنه و انتى طيبه بمناسبه رمضان، ربنا يحققلك فيه كل امالك و يفرحك برجوع يوسف ان شاء الله عن قريب

مصري جدا يقول...

كل سنة وهو طيب

وعقبال ألف سنة
ويفرح قلبك بية

اسكندراني اوي يقول...

كل سنه وانت طيب يا جو مرتين
مره علشان عيد ميلادك يا جميل
ومره علشان رمضان وطلته المباركه علينا

بطوط حبوب يقول...

كل سنه وهو مليون طيب يااااااااااااااارب

وعقبال مليون سنه فى صحه وسعاده
وربنا يطمنك عليه دايما

مصري بالغربة يقول...

انا اول مره اعلق هنا يا فاتيما
وانا قريت مدونتك في اليومين اللي فاتوا دول معظمها
وربنا يرجعلك يوسف على خير
وكل سنه وانت وهو طيبين
وسلامي كتير جدا لوالدتك
وقولي لها كل سنه وهي طيبه

مهندس / محمود

بيطرية ومش بايدى يقول...

انا اول مرة برده اعلق ف المدونة دى بس دايما صاحبة مدونة لقد خلقنا الله احرارا كانت بتكلمنى عنها وانا مش عارفة ليه مقدرتش امسك نفسى من العياط وانا بقرا بس مجرد الكلام اللى انتى كتبها ف الصفحة دى بس (لانى لسه ماقريتش اى حاجة ف المدونة)وامال هاعمل ايه ف الباقى ربنا يستر المهم مع انى غريبة بس نفسى بجد اقول لاجمل يوسف كل سنة وهو طيب ويارب قبل رمضان الجاى تكون ف حضن مامى تتهنى معاها وتعيش ف حنانها وتتربى ف خيرها

بيطرية ومش بايدى يقول...

اه وعلى فكرة الاغنية اللى حضرتك حطها ف الخلفية جامدة اخر حاجة وعسولة اوى زيك تمام ويارب العنكبوت النونو يرجع للعنكبوتة الكبيرة وتعملو اجمل خيوط واحلى شبكة نقع فيها ونغرق ف حبكم انتو الاتنين وان شاء الله المرة اللى حاية مش ماما هى اللى هتكتب ف المدونة يا (يويو)هى تعبت من الكتابة انت بقى اللى هتبقى تكتب وتقولنا ماما النهاردة عملت اكل جميل النهارده كلته كله وخرجت معايا فسحتنى ..............الخ الخ يارب مايطول بعده عنك اكتر من كده ويرجع لك بسرعة وبسلامة

mado80 يقول...

كل سنه وانتي طيبه يا فاتيما
رمضان كريم وكل سنه ويوسف طيب يارب

ياريت تسلميلي علي يوسف كتير وتقوليله ان في واحد اسمه ماجد علي اسم خالك حبك كتير من غير ما يشوفك
يارب تشوفيه لما يكبر ويتجوز وتشوفي ولاد ولاده كمان
:) :) :)

رمضان كريم :)

I'm The CraZy One يقول...

KOL SANA W 2NTA TAYEB YA YOOOOOOOOOOOOOOOOOOOOOOOOOOOOOOOOOOOOOOOOOSSEF W 3O2BAL MILION SANA YA AMOUR YA SO3'ANTOUT

W YARAB TERGA3 LEMAMTAK W TE7TEFEL MA3AHA BKOL A3YAD MILADAK KOL SANA W TEFDAL MA3AHA


W BGD YA BA5TAK BIIHA DI 3ASOULA AWII

hasona يقول...

السلام عليكم

كل سنة ويوسف بخير وجميل وطيب
وكل سنة وهو الي حضنك اقرب وساكن بقلبك

ربنا يخليه لك ويخليك له
وكل سنة وانت طيبة

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله

أم بتول يقول...

كل سنة و هو طيب و السنة الجاية يكون فى حضنك متهنى ،
بجد م عارفة أقول لك أيه فاتيما بس أدعى لك ربنا يريح قلبك ويلم شملك على حبيب عمرك ، و يخلية لك يارب و تشوفية أحسن أنسان فى الدنيا ، و يعوضك ربنا فيه كل خير عن أى شيئ وحش مر فى حياتك .

قوس قزح يقول...

ايه ده ؟؟
انا كنت معلقة هنا
راح فين التعليييييق
العنكبوت النونو اكله و لا ايه ؟
عموما بقولك تانى يا يوسف كل سنة و انت طيب و بخير
و السنة الجاية نحتفل بعيد ميلادك بجد
و عقبال 100 سنة

فاتيما يقول...

شفت عيد الميلاد كان حلو إزااااااى يا يسوفتى
شفت ازاى كل دى الناس الحلوة دول كلها بتحبك يا حبيبى
تصور !!!!
و من غير ما يشوفوك ..
اومال لما تقابلهم بقى
شوف إنتا ؟
عيد ميلاد سعيد يا حبيب ماما
بوسة كبيييييرة عشانك و اجمل حضن ف الدنيا

مـحـمـد مـفـيـد يقول...

يوسف الجميل
كل سنه وانت طيب ويخر وعقبال مايون سنه
وانت في حضن ماما فاتيما
وتشوفك خير ما تتمني
واسف للتأخير معلش

شهووووده يقول...

كل سنة وانت طيب ويارب يارب عقبال دشليوووووووووووون سنة خير وسعادة وهنا

adel يقول...

انا دخلت هنا
مش عارف ليه
حبيت ادخل

انبسطت قوي لما شفت اسم مدونتي في (الناس دي تبعي)
ومكتوب كمان اخو يوسف :):)

بجد انا فرحان بشكل مش طبيعي :):)

♥ Am fOpa'D ♥ يقول...

من بداية بوست عمو محمد لغاية البوست هنا,,,
تهنئة ليوسف حبيب الكل
كل سنة وانت طيب يا يوسف,,, وياارب السنة الجااية تبقى في حضن ماما فتيما وتفرح بيها وتفرح بيك
ربنا يرجعه بالسلامة ياارب,,,

كيكى عوووووو يقول...

حلوة متشكر يا حضرتك**
يادى الكزوف جاية وخرى اوى معلش يا يوزف الموصلات بقى كدة معجبة اوى بستيل المدونة والصور وبالذات بتاعت نيمو دى
رسوماتك جميله وان شاء الله تدخل فنون جميله
كل سنةو انت بتحب ماما اكتر واكتر واكتر
والسنة الجايه تكون فى حضنها
وربنا قادر ع كل شئ

samamasr يقول...

ربنا معاك:)

Related Posts Plugin for WordPress, Blogger...