السبت، يونيو 12، 2010

يا مـامـا ..أنـا نجـحــت




الووو .. ازيك يا يوسف وحشتنى
انتى كمان
النتيجة طلعت ؟؟
من زماااان
هاه .. طب عملت ايه طمنى ؟؟
نجحت يا ماما
الف مبروووووك يا حبيبى
جبت كام يلا قول وفرحنى

جبت 99%
برافوووووووو عليك .. انتا شطارة
المدرسة قالتلى دى اعلى درجات شافتها
يعنى انت كدا
تبقى من الاوائل ع المدرسة

آه



يا حبيبى ى ى ى ى
يا خرااااااشى
ألف مليون مبروووووووك يا روحى



ياااااه
لو كنت معايا دلوقتى

كنت عملتلك حفلة كبيييييرة
بس هجيبلك هدية النجاح
متقلقشى




مؤقتاً هعملها هنا







عشان نفتكر الفرحة
دى بعدييين


مع انى متأكدة انك هتفرحنى

تانى و تالت و عاشر






ادى الشمعدان
بيبتدى





و المزيكا هتعزف





و الكل هيرقص عشانك



يسووووووووفة
ابقى فكرنى لما نروح فرح او حفلة
نبقى نرقص سلو زى الجميلة و الوحش
انتا خلاص طولت
و بقى ينفع نرقص سوا ..صح؟














الكب كيك بالشكولاتة
بتوعك انتا
و بسكوتة و عادل






و دى بقى ليك
لوحدك خااااالص





البالونات دى مش للفرقعة يا شقاوة
هتفرقها ع اللى حضروا الحفلة
و هما ماشيين




عقبال الأبتدائية
و الأعدادية
و الثانوية

و الجامعة
و الماجستير
و الدكتوارة




و عقبال ما تبقى مهندس كبيييييير

و تفضل تاخد فى شهادات حلوة تنفع بيها الناس
و تبقى شاطر اكتر و اكتر

و افتخر بيك يا حبيبى دايما




النهاردة مامتك حاسة بإحساس
مش عارفة اوصفه


بس يمكن انتا لما تكبر و تبقى أب
اكيد هتحسه و تفهمنى


وتفهم يعنى ايه انك تكون نعمة
فى حياة حد تانى

و تخ
ليه سعيد و مبسوط انك ابنه


انا فخورة بيك قوى يا يسوفتى
و النهاردة حاسة ان انا اللى نجحت
مش ا
نتا ... تصور ؟؟!!




مش همشى غير لما اسيبلك



البوساااااات






و


الحضونااااااااااات







والهدية خ
ليها مفاجأة
و محدش يعرفها غييييرك



ربنا يخليك لماما

يا روح قلب ماما


ب ح ب ك








هناك 19 تعليقًا:

فاتيما يقول...

ألف مبروووووووووووك يا حبيبى

انا مش لاقيه كلام اقوله
ممكن يعبرلك عن فرحتى

و صحيح انتا كان صوتك
مضايق شوية
و زهقان شويتين
بس انا عارفة
و انتا عارف

و اجمل حاجة انك بتطلع من اللى بيحصل
ناجح
و شاطر
و متفوق كمان
و زى الفل

و كل حاجة بتزعل هتروح صدقنى

انتى وحشتنى قوى
و مكالمتك كانت برد و سلام على قلبى
انتا كنت واحشنىىىىىىىىىى قوى
و كنت بفكر اكتب بوست عنك
النهاردة
بس انتا سبقتنى



الف مبروك يا حبيبى
امتى بقى تكبر كمان
عشان تعرف تيجى تزورنى لوحدك
و تقعد معايا
و محدش يقولك لأ ؟؟




ان شاء الله يحصل
الأيام بتعدى يا حبيبى
و بكرة تكبر اكتر
و محدش يمنعك عنى
انتا حبيبى يا يسوفتى
انا فخورة بيك قوى قوى
ربنا يخليك لماما


انا النهاردة حاسة ان ربنا بيعوضنا احنا الاتنين عن كل اللى فات

فاكر لما انا عيطت
و احنا داخلين المدرسة اول يوم ؟؟
كنت فاكرة انهم مش هياخدوك خلاص
و انك مش هتعرف تبقى زى باقى الولاد و السنة هتضيع عليك ؟

الحمدلله كل دا راح و فات
و انتا النهاردة
ناجح
و طالع سنة رابعة كمان
و من اوائل مدرستك

شفت بقى !!

ربنا يا حبيبى يبارك فيك
و يعوضك خير

انا بحباااااااااااااك
و انتا وحشتنى
و الف مليار مبروك يا عيون و قلب و روح مامااااااااااا

سواحة يقول...

الف مبروك يا يوسف
بلاش بوسات انت كبرت خليها حضونات بس :-)
:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

و نفسك فى هدية ايه ثانى قول
؟؟؟؟
نخليى شط النيل و نعملك احتفالى ليلة انت وماما و بس حاضر من عينيا

هش هش
سيبوا يوسف لفطوم و فطوم ليوسف
و ادعولهم بحب بعض على طول

جارة القمر يقول...

الف مبرووووووووووك يا يوسف
مبرووووووووك يا فاتيما
ربنا يبارك لك فيه يارب ... وتشوفيه احسن واحد و احسن من اللى انتى بتتمنيه يارب

Baskouta يقول...

الف مبرووووووووك يا مامي
الف مبروووووووك يا يوسف يا روح قلب مامي
ربنا يسعد ايامك وتفرحنا بيك دايما

والناجح يرفع ايده
هيييييييه

http://www.youtube.com/watch?v=mnYKNcP8Bbo&feature=related

اختك بسكوتك

عاشقه الرومانسيه يقول...

الحق اخد مكان واقول ليوسف الف الف مبروك
وكمان الف مبروك ليكى ياام يوسف
دى جوائز الصبر
ربنا يبارك لك فيه ويطلع انسان ناجح فى كل شئ
الف مليون دشليون مبروك ياروح قلبنا كلنا

انا فرحانه قوى يايسوفه علشانك وعلشان انت ولد شاطر وفرحت ماما بيك
لها حق تكون فخوره ان عندها ولد شطور زيك

انا بحبك قوى ياواد انت امال لما اشوفك هاعمل ايه بس ؟؟؟
انا لازم أأمن على عقلى
ههههههههههه

مبروك تانى ياحبيبى

ستيتة يقول...

لأ انا زعلانة بجد
والنبي على قلبك يا شيخة كل ما يوسف يكلمك تقولي وبسرعة
تهيصي كده وتفرحيني معاكي
يعني افرح على ايه ولا ايه
الحمد لله على انك اتصلت بماما يا يوسف
والف مبروك يا حبيبي النجاح الجميل
وعقبال التخرج والعروسة يا حبيب قلبي

الحفلة تجنن
ماما دي فنانة مش شبه اي حد تاني
كده انا ها انام مبسوطة خالص
علشان عرفت انك نجحت
وانك فرحت ماما وفرحتها دي غالية قوي

ربنا يجمعك بماما في اسعد ايام الدنيا وفي الجنة بتاعة ربنا يوم القيامة
خد بوسة مع انك راجل كبير خالص
بس برضه ببعت لك بوسة على الخد ده وبوسة على الخد ده

بوبو يقول...

الف مبروك يا سي يسوفة والف مبروك يا طمطم.. عقبال متشوفيه دايما ناجح ومتفوق مش بس في دراسته لكن في حياته كلها.. الايام بتعدي وبكرة تشوفيه راجل اد الدنيا وملو العين والقلب.. ربنا يفرح قلبك بيه دايما ويجعله قرة عين ليكي ويكون ولد صالح يفرح قلبك دنيا واخرة باذن الله.. انا مبسوطة اوي انه كلمك.. يا رب دايما مفرحك وعقبال الفرحة الكبيرة لما يرجعلك ومتفترقوش ابدا

Doba يقول...

ألف مليون مبروك يا يوسف
وإللهى يارب نلاقيك أحسن واحد ف الدنيا

انا طنط هبة

وانا كمان فخورة بيك جدا
ويارب من تفوق لتفوق يا روح قلب ماما

يارب تكون سعيد ومبسوط وتكون مع ماما قريب علشان نعملك حفلة كبيرة وليك عليا اجيب اخواتك الصغننين يوسف اللى على اسمك وعمر بيه ونعمل حفلة جميلة علشان يتعرفو بيك

انا بحبك يا يوسف
وناس كتير قوى قوى بتحبك
من حب مامى ليك
ربنا يخليك ليها
ودايما مفرحها ومخليها طايرة بيك طير

ربنا يبارك فيك يا بنى
بوسة كبيرة منى
وحضن أكبر

هبة

كيكى عوووووو يقول...

وش تعلو ابتسامه عريضة كبيرررررررة
أدت الى انشكاح رهييييييييييييب
داخلى
مبرووووووووووووووووووووووووووووك
ياروح قلب ماما
انت بشره خير يايوسف وانا حاسه خير ان شاء الله وتكونى نتيجتى زيك ان شاء الله
بس مستحيل 99 دى
والله مسكت الخشب يافاتيما

العلم نور يقول...

مدونة جميلة جدا ورائعة ومبروك النجاح ربنا يوفقكم آمين

GiGi world يقول...

ياحبيبى الف مليوووووووووووووون مبروك ياحبيب ماما


والله انت كنزك هو ماما الجميله دى

انا قريت تعليقك عند عفروتو انت بجد حد جميييييييييييييل بجد غيرنا ام جميله مشاعرك مش محتاجه كلام

يارب يوسف ده يبقى معاكى على طووووووووووووووووول ليس على الله بعزيز

وهو انت ياحبيبى اطمن دايما هتبقى احسن واحد فى الدنيا بدعوه مامى ليك

ربنا يفرحك ويفرح مامى بيك


عقبال الدكتوراه
ويارب حياتك كلها فى طاعه ربنا يااحلى يوسف وابن احلى ماما فاتيما

мαησηα يقول...

لووووووووووووووووولوووووووووووووووووووووووووووووووووووووووووووووووووووووووى

نادرا عليا يوم ما اشوف مامتك

فاتيما


ازغرطلها علشان نجاحك يا بشمهندس

الف مبرووووووووك يا تيما يا حبيبتى

ربنا يفرحك بيه ويسعد قلبك وتشوفيه

احسن واحد ف الدونيا

الف مبروك يا يسوووووفة

ربنا يكرمك يا حبيبى

ونشوفك احسن واحد ف الدنيا

دى كلها يارب

اسفة ع التاخير يا حبى ف التهنئة

بس والله غصبن عنى

يسوووفة انا كمان فخورة بيك اوى

مي يقول...

مبروووووووووووك ياحبيبى ويا عمرى نت يايسوفة ياقمررررررررررررر
وعقبال ما اشوفك احسن واحد وتحقق كل امنياتك يارب العالمين

شطورة يا يوسف ياقمر بسم الله ماشاء الله عليك ودايما فى نجاح عالطول يا حبيبنا كلنا
مبروك ياتيما وعقبال ماتفرحى بيه عريس زى القمر ويكون فى حضنك وربنا ميحرمكوش من بعض ابداااااااااااااا


مبرررررررررررروك يا يسوفتى يا عسسسسسسسسسسل
اموووووووووووواه

حاجات جوايا يقول...

ألف مبرووووووووك ياا يسوفة
ألف مبرووووك يا حبيبى
مبرووووووووووك يا طمطومة ربنا يفرحك بيه دايما يارب ويعوض صبرك خير ويحفظهولك ويجعله احسن حد فى الدنيا كلها

shimaa elkholy يقول...

حفله ونجاح من ورايااااااااا

اه يا خووووووونه

مبروك مبروك مبروك مبروك

وبعدين الواد ابنك ده انا حاجزاه على فكره

بصي عندي البت رحمه ميه ميه

خديها من دلوقتي يا فاتيما تستنى يوسف معاكي
هههههههههه

فرحت اوي ان يوسف كلمك

هانت ياجميل ان شاء ا لله وهاتلاقيه فى حضنك والله

فاتيما يقول...

وحشتنى

Hanan Elshafey يقول...

مبروك يا يسووووووووفه ألأف مبروك
ومبروك يا أحلي أم في الدنيا
والله عرفتي تربي ولد شطور وزي القمر
عقبال ما يستجاب دعاكي وتشوفيه احسن واحد في الدنيا
مبروك يا يوسف
تصدق واحشني .. مع اني لسه مش شفتك واحشني قوي
تصدق أول كومنت بعد العوده من الغيبه الطويله كان عندك
مبروك من تاني ولآخر العمر نباركلك
وهدية كبيرة هجيبهالك واديها لماما لما أشوفها قريب ان شاء الله
خلي بالك منك وربنا يحميك يارب

لا تـــشـــتــــاق يقول...

مبروووووووووووك ياجو ومبروك ليوسف يا ام يوسف

Story pain يقول...

مبرووووك يا يوسف
ايه الشطارة دي..99%
كده خلاص بأه ما ينفعش نقول يوسف بس...لازم نقول البشمهندس يوسف

مبروك لماما أكيد دعاها ليك اهم سبب للنجاح الكبير ده..السنة الجايه بأه عايزين النتيجه 100% يا بشمهندس

مدونتك جميلة اوي يا يوسف..رسمك وتلوينك عجبوني اوي..انا بحبك من حب ماما ليك..ونفسي نباه اصحاب وتقولي انت كمان رأيك ايه في القصص اللي بكتبها في مدونتي
كل سنه وانت ماما طيبيين
ربنا يجمعكم دايما ويفرح ماما بنجاحك وتفوقك.

Related Posts Plugin for WordPress, Blogger...
hi5