الجمعة، يوليو 09، 2010

فـرحـــة



ناس فرحانة

هناك 9 تعليقات:

فاتيما يقول...

ازيك يا حبيبى ؟

انا سميت الصورة دى فرحة
عشان حسيت الناس فيها فرحانة قوى
بس تعرف ؟
مش دا السبب بس
السبب انى النهاردة و انا برتب ف شوية حاجات بالصدفة لقيت كام كراسة من اللى كنت بترسم فيهم ..و لقيت الصورة دى

فرحت
لأنى كنت عمالة ادور على حاجة جديدة احطها ف مدونتك
مش لاقية

فرحت
بس شوية حزنت


كان نفسى تكون رسماية جديدة


انتا وحشتنى قوى
قوى
هوه انا كل شوية اقول
الوقت بيعدى و انا أتعودت
بس بلاقينى مش بعرف
و كل ما الوقت يعدى
توحشنى اكتر

هوه احنا لحد امتى هنفضل بعاد كدا؟

لحد امتى هفضل اكتبلك وحشتنى
و مبعرفش أخدك ف حضنى و احسسك بيها

مش المفروض اسأل
ربنا يا حبيبى هوه اللى يقول
و احنا نستنى معاده و أمره

بس لحد ما ييجى الوقت
انتا بتوحشنى
و نفسى تكون مخلى بالك من نفسك
و تكون بخير
عشانك
و عشانى انا كمان

ايوه
انا محتاجلك
متفتكرش انك عشان صغنن شوية عنى
تبقى مينفعش تاخد بالك منى ؟
ملهاش دعوة بالسن يا حبيبى
انتى الراجل بتاعى
حتى من وانتا ف اللفة
دايما كنت ابصلك و اقول
امتى يا رب يوسف يكبر
و يبقى راجل كبييييير
عشان أفرح بيه و امشى جنبه ف الشارع و انا بتباهى بيه كدا و مأنجاه و هوه واخد بحسى ؟!!

امتى هتكبر و تخلص دراسة
و امتى هتشتغل و تبقى حد عظيم
و امتى تتجوز و تجيبلى احفاد
و امتى
و امتى

كفاية كلام بقى
تصبح على خير يا حبيبى
بحبك
♫☺♥♪☼♥☻♪♥♫

mrmr يقول...

ربنا يبارك فيكم
ويخليكم لبعض
ويفرح قلوبكم

Baskouta يقول...

حلوة الرسماية يا مامي
تسلم ايد يوسف
حضن دافي بسكوتي صباحي لمامي

Spider boy يقول...

الله حلوة أوى الرسمة دى

Mohanna

عابرة السبيل = ام بقلظ باشا يقول...

فعلا فرحة

خلتينى ابتسم

أم الخــلـود يقول...

اصحى يا نايم ووحد الدايم

(حملة الجسد الواحد)

أرجوا من المدونين الموقرين أن يضعوا شعار الحملة واسمها فقط فوقها (حملة الجسد الواحد) في الشريط الجانبي لمدوناتهم كدلالة على وحدة صف أمة محمد، ومن أجل قيام الولايات المتحدة الإسلامية

لمزيد من المعلومات

http://dndanh111.blogspot.com/2010/06/blog-post_14.html

جعله الله في ميزان حسناتكم .. آمين

enjy يقول...

هعتبر ان الدمعتين اللى نزلوا دول دمعتين تبع الناس الفرحانة اللى فى الصورة..

حلوة الرسمة بس الغريب انك سمتيها فرحة مع ان مفيش ولا حد فيهم بيضحك بالعكس الناس اللى فى الصورة عنيهم حزينة..يمكن لا وأنا بيتهىء لى..يمكن

عموماً يا فاتيما حلوة رسمة يوسف..طيب ليه هو مش بيرسم ويبعتلك الرسومات وتنزليهم؟؟ زمانه بقى فنان كبير وبيرسم حلو أوى

ام الابناء يقول...

السلام عليكم


ازيك يا ام يوسف

فالحقيقه انا من اشد معجبينك

خصوصا يسلاسة اسلوبك وحسن تعبيرك

وكمان بتوددك للاخوه المدونين
وحرصك الدائم والمستمر على التودد اليهم
والتعليق على كتابتهم

حرصت كثيرا على الكتابه اليكى
لانك نموذج جميل للامومه الصادقه

ولكم اعجبنا بامومتك الحنونه

انا وابو الابناء
زوجى وطائرى الحبيب

الطائر السعيد وليس الحزين كما يلقب

ونسال الله العظيم لك ان يجمعك الله بولدك
يوسف فى اقرب وقت
كما جمع الله شمل النبى يوسف بابوه واخوته
وندعو الله لك ان تريه احسن خلق الله
وابرهم بك
لانك ام تستحق كل البر والحب
وادعوكى
لزيارة مدونتى
التى ساعود اليها قريبا ان شاء الله

تقبلى تحياتى

whyme يقول...

ربنا يجمعكم ببعض قريب . الرسمه جميله اوى و كل سنهو انتى و يوسف طيبين

Related Posts Plugin for WordPress, Blogger...