الخميس، مارس 21، 2013

كـل ســـنة يا حبيبى




   
 يوسف بيغنى مع نفسه و يدندن


 أنا بحبك يا ماما

أرد و أقول


   و أنا كمان يا حبيب ماما

 بس أنا بحبك أكتر

  و أنا بحبك أكتر وأكتر

 لأ بقى طب أنا بحبك أكتر بكتير خالص

  أنا بقى بحبك اكتر من الكتير بكتير
 خالص خالص


 طب أنا بحبك قد الشكولاتة والقطط

وأنا بحبك قد كل الشكولاتات
 و القطاقيط اللى ف الدنيا


طب انا بحبك
 قد كل الحاجات الحلوة ف الدنيا

وأنا بحبك 
قد كل الحاجات الحلوة ف الدنيا والجنة

 يوووووه بقى 
   
 طب خلاص متزعلشى 
وتعالى هنا قولى  
 هوه اللى يحب دا يقعد  
يقول ف كلام و أغانى 
و بس على كدا ..... !؟

طب عاوزة أيه طيب !!؟

عاوزة بوسة وحضونة و بحبك يا ماما
 ينفع حضرتك؟

طبعننننننننن

.....................

و ييجى عليا بسرعة عشان يدينى 
بـوســة 
و حـضـــــن
و بحبــــــــــك يا ماما 


------------------------------

وعشان عارفة 
انك بتقولهالى بقلبك 
فمش محتاجة أسمعها 
و كل سنة يا حبيبى 
و انا ف قلبك ... وكفاية 
------------------------------------

هناك 12 تعليقًا:

فاتيما يقول...


ابراهيم رزق يقول...

روح القلب الملائكية


مش لاقى حاجة اقولها
غير كل سنة ويوسف طيب
كل سنة و انتى فاتيما

ربنا يجمعك بيه على خير يارب

سلام يا ام جو

رحاب صالح يقول...

يا مساء البنفسجات والحضونات والوردات البنفسجات يا احلي ماما في بلوجر وتويتر وف قلوبنا كلنا
يارب عيد ام سعيد لك انت ويوسف ويارب يجمعكم علي خير اللهم آميييين

عاشقه الرومانسيه يقول...

وانا بحبكم الانتم الاتنين قد الدنيا والبحر والسما
كل سنه وانتى ويوسف بخير وسعاده يابطه :*

رؤى عليوة يقول...

يارب تفرحى بيه وتسمعيها وتشوفيها فى عيد ام يملا الدنيا عليكى فيه

المشكله فين فى الايام يبقى مفيش مشكله كله بيعدى بيوجع اه بس بيعدى وننسى


كل سنة وانتى طيبه

eng_semsem يقول...

كل سنه وانت ويوسف طيبين وبخير
تحياتي

هناء محمود يقول...

كل سنة وإنتم طيبين وربنا يجمعكم مع بعض عاجلا وليس آجلا و يقر عينك بيه

بقالى كام يوم بلف وادور في المدونة بتاعتك علشان ألاقى المكان إللى أبعتلك منه كومنت مش لاقية :(

مش عارفة انا إللى نسيت ولا في حاجة غلط :) عامة كنت عايزة اقولك وحشتينى :)

يا مراكبي يقول...

كل سنة وإنتي دايما طيبة وطيبة وطيبة

وربنا عالم ومطَّلِع وإن شاء الله هيفرح قلبك فرحة كبيرة

غير معرف يقول...

إنشالله تكوني بخير يارب ويوسف بخير يارب :)

Steve Finnell يقول...

you are invited to follow my blog

eman يقول...

كل سنة وإنتي طيبة وبخير يارب :) ربنا يفرحك يارب :)
أنا إيمان سمامصر

يارب تكوني بخير يارب :)

غير معرف يقول...

لا بجد المنشور رائع

اتمني زيارة الموقع واستفادة منه
شروحات تعلمية وبرامج مجانية وتصميم مجانية لبلوجر
http://www.a7na.com
.
.لو كنتي من مهتمين بالموضة والجمال والمطبخ
تابعينا علي موقعنا التاني
http://www.ashrq.com
مع تحياتي ليكي
مصمم ومبرمج مواقع وتكويد بلوجر

Related Posts Plugin for WordPress, Blogger...
hi5