الجمعة، أغسطس 06، 2010

★۩٭♫٭۩☆ رمضان كريم ☆۩ ٭♫٭۩ ★



----------------------------------------------------

۩ رمـضــــان كــــريـم عليــــك ۩
يا روح قلـــبى انا
وحش
تنى
و يا رب الفانوس اللى إخترتهولك
السنة دى يعجبك


اللى بتحبك علطول
ماما


----------------------------------------------

*
***
*********
**************
*-------------*
*----------*
*-------*
*-----*
*---*
*-*
*****
********
----------------------------------------------------


هناك 8 تعليقات:

فاتيما يقول...

كل سنة و انتا طيب
يا روح قلبى


ادى رمضان جديد جاى
و انتا مش ف حضنى


بص انا مش بقولك كدا
عشان زعلانة يعنى


هوه بصراحة انا زعلانة
بس مش زعلانة الزعل الوحش دا

انا متضايقة بس لأنك مش معايا
مش هنفطر سوا على ترابيزة واحدة
مش هشوفك طول الوقت
زى ما المفروض يحصل


بس انا برضو هفتكرك
و انا بحط اول لقمة ف بوقى
و بشرب اول شفطة مية م الكوباية
و ادعى انك تكون مبسوط
و بتفطر و انتا بتضحك كدا و مبسوط
و مش ناقصك حاجة


انا روحت مع تيتة نشترى الفوانيس
ليك و لهشام و سلمى

ههههه
فاكر لما كنت بتنطقها
فناويس ... مش فوانيس ؟؟؟؟!!

المرة دى اخترتلك فانوس من الفناويس بتوع زماااان ...
الصفيح ابو ازاز ملون

انا بحبه اكتر م الحاجات بتاعة الصين اللى بتغنى و ترقص دى ..

معرفش ليه حاسة انك كبرت خلاص
على الفوانيس العيالى بقى
و لازم اجيبلك فانوس شكل تانى ...
يا رب يعجبك


تيته حضرت الشمع المخصوص بتاعه
و حطته مع الفانوس
و علبة الكبريت كمان يا عم
انتا عارف تيته ست دقيقة اصلها
و مبتفوتش حاجة
و عاوزة تجيبلك الدنيا بحالها


و انا كمان نفسى اجيبلك كل حاجة حلوة عشان تبقى مبسوط ..
بس معلش
هقولك الكلمة السخيفة اياها
اللى دايما اقولها ..
الظروف يا حبيبى
بتمنعنى و تمنعك من الف حاجة
معلش


كل سنة و انتا طيب يا روح قلبى
كل سنة و انتا ابنى حبيبى
و انا مامتك اللى فخورة بيك
و بتتمنى تشوفك احسن واحد ف الدنيا
بتنفع الناس و تنفع نفسك


انا بحبااااااااك قوى قوى
و انتا وحشتنى قوى قوى
و رمضان كريم عليك يا حبيبى
و ربنا اكرم قوى قوى قوى

بوسات
و حضونات
و فناويس
۩

Kiara يقول...

كل سنة وانت طيب يايوسف ياحبيب خالتو

السنة الجايه باذن الله هجبلك فانوس وانت في حضن مامي

سواحة يقول...

بص بقى يا سى يوسف
ماما قالت انها مابتفطرش :-)
يبقى خذ :-*******************************************************************

كل سنة و ماما بتجبلك فانوس ينورلك بيتها بالالوان و الانوار علشان متوهش و تعرف ترجع

:-XXXXXXXXXXXXXXXXXXXXXXXXXXXXXXXXXXXXXXX

Baskouta يقول...

رمضان كريم يا يوسف
كل سنة وانت طيب
وكل رمضان وانت احسن يوسف في الدنيا

يلا اختار الفانوس اللى يعجبك

http://egyptal.files.wordpress.com/2010/07/ramadanlamps.jpg

ان شاء الله رمضان الجاي تفطر مع ماما وانت اللى تجيبلها فانوس.

سواحة يقول...

كل سنة و انت طيب يا سى يوسف :-)
11 سنة :-)
كده لا يجوز القبلات بقى :-)
كبرنا و بقينا شباب خلاص
معلش مش حقول رجالة لسه شوية خذى رحتك لحد ما تكمل ال18 سنة

انشاء الله تكون سنة جميلة و تعمل كل الى نفسك فيه و الى فى نفس ماما و تيتا و خالو
:-)

انت عايز كنافة و عليها 11 شمعة :-)

بس متنساش طنط واندا فى حة نونو كده :-)

غير معرف يقول...

مش عارفه ..

انا كنت داخله اقول كومنت ..
لكن، لما قريت اول كومنت ليكي لقيتني سكت ..
وجعني اوي ...

يارب تكوني بخير ..

و
والسنه الجايه ..
انتي عارفه انا عايزه اقول ايه ...

richardCatheart يقول...

كل سنه وانت طيب يا يوسفيا رمضان كريم وسعيد عليك يارب

وكل سنه وانت طيب لعيد ميلادك يارب نشوفك عريس زى القمر

ربنا يحميك ياحبيبى

سواحة يقول...

طنط واندا جاية تقول كل سنة و انت طيب يايوسف
مش حتدينى كحكية صننه من الى ماما جيباهولك ؟؟

Related Posts Plugin for WordPress, Blogger...
hi5